Tuesday, February 13, 2007

ഫ്ലവര്‍ വാലന്‍സ്‌ ദിനം!

തന്റെ നാലാമത്തെമോള്‍ മിസ്‌ കോക്കാന്മുക്കിനു ഒരു ക്ലാസ്സില്‍ പഠിക്കുന്ന ചെക്കന്‍ ട്യൂഷ്യന്‍ ക്ലാസ്സിന്റെ മണ്ടേല്‍ വെച്ച്‌ ഒരു ബൊക്കകൊടുക്കുന്നത്‌ കണ്ടൂവെന്ന വാര്‍ത്തകേട്ട്‌ രാമുട്യേട്ടന്റെ കണ്ട്രോള്‍ പോയി. കുപ്പിയില്‍ ഭാക്കിയുണ്ടായിരുന്നത്‌ ഒറ്റവലിക്കകത്താക്കി പുള്ളി ഷാപ്പീന്ന് പുറത്തെക്കിറങ്ങി.
"ഏതു ഡേ...ഷ്‌ മോനാണ്ടാ എന്റെ മോള്‍ക്ക്‌ പൂ കൊടുത്തത്‌?"
"പോട്ടെ രാമുട്യേട്ടാ അതു വാലന്റെന്‍സ്‌ ഡേയായതോണ്ട്‌ പിള്ളാര്‍ ചുമ്മാ കൊടുത്തതാ"
"എന്തൂട്ട്‌ ഡേ"
"വാലന്റെന്‍സ്‌ ഡേ"
" ഈ വാലന്റൈസ്‌ ഡേന്നു പറഞ്ഞാ എന്താടാ? രാമുട്യേട്ടന്‍ തന്റെ നിഖണ്ടുവില്‍ ഇല്ലാത്ത വാക്കിന്റെ അര്‍ത്ഥം തിരക്കിയത്‌ സ്ഥലത്തെ പ്രധാന ഫ്ലവര്‍വാലനായ കിഷോറിനോട്‌.

"രാമുട്യേട്ടാ അതീ വിദേശത്തൊക്കെ ലൈനടിക്കുന്ന ചെക്കന്മാര്‍ക്ക്‌ ഒരു ദിവസമുണ്ട്‌ അതന്നെ.അവര്‍ അന്ന് അത്‌ ആര്‍ഭാടാക്കും അതന്നെ."

"കൊള്ളാലോ അപ്പോ ശോഭാ ഡേ, തൊഴിലാളി ഡേ എന്നൊക്കെ പറയുന്നപോലെ ഈ പൂവാലന്മാര്‍ക്കും ഒരു ദിവസൊണ്ടല്ലെ?അവന്മാര്‍ക്കൊക്കെ ഭാക്കി ദിവസങ്ങളില്‍ പണീം തൊഴിലും ഉണ്ട ഇമ്മക്കൊരു കള്ളുടിയന്‍സ്‌ ഡേ ഉണ്ടാകിയാലോ രാമുട്യേട്ടോ?" ഇടക്കുകയറി രഘുവിന്റെ കമന്റ്‌.

"നിനക്കൊക്കെ കലുങ്കുമ്മെ ഡെയ്‌ലി വാലന്റസ്‌ അല്ലെ എന്നാലേ ആ ഡേ എന്റെമോള്‍ടെ അടുത്തെടുത്താല്‍ അവന്റെ ലാസ്റ്റ്‌ ഡേ ആയിരിക്കുന്ന് പറഞ്ഞോ? കൊന്നുകളയും ഞാന്‍ @*&&&*****"

അങ്ങേരുടെ വായിലിരിക്കുന്നത്‌ മുഴുവന്‍ കേള്‍ക്കുന്നതിനു മുമ്പേ ചുള്ളന്‍ സ്കൂട്ടായി. (കണ്ണൂര്‍ക്കാര്‍ പറയുന്നപൊളെ
"അപ്പാട്‌ തുള്ളിക്കളഞ്ഞു.")


പഴയ ഒരു ക്ലാസ്മേറ്റും അവശകാമുക സംഘത്തിന്റെ മണ്ടലം പ്രസിഡണ്ടുമായിരുന്ന ഷൈജൂ ചാഴൂരിന്റെ ആറുവരി കവിത ബ്ലോഗ്ഗിലെ വാലന്മാര്‍ക്കായി കുറിക്കുന്നു.

അവളുടെ കണ്‍മിഴിയിലെ തിളക്കം എന്നെ കവിയാക്കി
അവളുടെ മുഖത്തെ പ്രകാശം എന്നെ കലാകാരനാക്കി
അവളുടെ കവിളിലെ ചുവപ്പ്‌ എന്നിലെ കഥാകാരനെ ഉണര്‍ത്തി
അവളുടെ കിന്നാരങ്ങള്‍ എന്നിലെ കാമുകനെ തരളിതനാക്കി
അവളുടെ ആവശ്യങ്ങള്‍ എന്നിലെ പുരുഷനെ തളര്‍ത്തി
ഒടുവില്‍ അവളുടെ വാക്കുകളിലെ പരിഹാസം എന്നിലെ പ്രാന്തനെ ഇളക്കി.

5 Comments:

Blogger s.kumar said...

കുന്ത്രാണ്ടത്തില്‍ ഒരു ഫ്ലവര്‍ വാലന്‍സ്‌ ദിനാശംസകള്‍!

Tuesday, February 13, 2007  
Blogger s.kumar said...

അവളുടെ കണ്‍മിഴിയിലെ തിളക്കം എന്നെ കവിയാക്കി
അവളുടെ മുഖത്തെ പ്രകാശം എന്നെ കലാകാരനാക്കി
അവളുടെ കവിളിലെ ചുവപ്പ്‌ എന്നിലെ കഥാകാരനെ ഉണര്‍ത്തി
അവളുടെ കിന്നാരങ്ങള്‍ എന്നിലെ കാമുകനെ തരളിതനാക്കി
അവളുടെ ആവശ്യങ്ങള്‍ എന്നിലെ പുരുഷനെ തളര്‍ത്തി
ഒടുവില്‍ അവളുടെ വാക്കുകളിലെ പരിഹാസം എന്നിലെ പ്രാന്തനെ ഇളക്കി.

Tuesday, February 13, 2007  
Blogger കുതിരവട്ടന്‍ :: kuthiravattan said...

:-)

Saturday, September 15, 2007  
Blogger Arun Kayamkulam said...

ദയവായി സമയം കിട്ടുമ്പോള്‍ എന്‍റെ ബ്ളോഗിലൂടൊന്ന് കയറണേ,
അഭിപ്രായം അറിയിക്കണേ
http://kayamkulamsuperfast.blogspot.com/

Thursday, June 26, 2008  
Blogger Nambiar said...

ആയിലെടക്ക് ഇങ്ങള്‍ കണ്ണുര് ആള്‍ക്കാരെ ഒന്ന് തട്ട് അല്ലെ ... വെറുതെ തടി കേടക്കല്ലേ...

Wednesday, June 03, 2009  

Post a Comment

<< Home